Post AdvertisementRegister an AccountLogin
 
Car Interview
ကုန်းလမ်းပို့ဆောင်ရေး ညွှန်ကြားမူဦးစီးဌာနခရိုင်ရုးံ (ရန်ကုန်အနောက်ပိုင်း )မှ ...
2306 ကြိမ် ကြည့်ရှု့ ပြီး
 
ကုန်းလမ်းပို့ဆောင်ရေး ညွှန်ကြားမူဦးစီးဌာနခရိုင်ရုးံ (ရန်ကုန်အနောက်ပိုင်း )မှ ... - Car Interview from iCar.com.mm

 
မေး - ယာဉ်လိုင်စင်သက်တမ်းတိုးခြင်းကို ဘယ်လောက်ကြိုပြီး ဆောင်ရွက်နိုင်ပါသလဲ။
ဖြေ - ယာဉ်သက်တမ်းတိုးတာကို ကျတော်တို့က ရက်ပေါင်းကိုးဆယ် ကြိုပြီးတော့ သက်တမ်းတိုးခွင့်ပေး ထားပါတယ်။ ဘာကြောင့်လဲဆိုရင် သက်တမ်းကုန်ဆုံးလမှာ ယာဉ်ပိုင်ရှင်အနေနဲ့ ကိစ္စကြီးငယ်ကြောင့် မအားမလပ်တာမျိုးရှိခဲ့ရင် သက်တမ်းကုန်ဆုံးလမှာ ခရီးထွက်နေတာကြောင့် အချိန်မှီမရောက်နိုင်တာမျိုးရှိခဲ့ရင် အဆင်ပြေအောင်လို့ ရက်ကိုးဆယ် ကြိုတင်သက်တမ်းတိုးခွင့်ပေးတာပဲဖြစ်ပါတယ်။ တိုးပေးထားတဲ့ အကြောင်းအရာကိုလည်း ယာဉ်ပိုင်ရှင်တွေ အလွယ်တကူ သိရှိစေရန် ယာဉ်မှတ်ပုံတင်စာအုပ်ဖြစ်တဲ့ ကမ-၃ စာအုပ်ရဲ့ နောက်ဆုံးစာမျက်နှာ စာပိုဒ်နံပါတ် ၆ မှာ ဖော်ပြပေးထားပါတယ်။
မေး - ယာဉ်လိုင်စင်သက်တမ်းကျော်သွားရင် လိုင်စင်သက်တမ်းတိုးဖို့ ဘယ်လိုဆောင်ရွက်ပေးပါသလဲ။
ဖြေ - ယာဉ်လိုင်စင်အနေနဲ့ ကုန်ဆုံးသက်တမ်းတစ်ဆက်တည်း ငါးနှစ်မကျော်သေးရင် သက်တမ်းတိုးခအပါအဝင် ဒဏ်ကြေး ငါးဆယ်ရာခိုင်နှုန်း ကောက်ခံပြီး သက်တမ်းတိုးပေးပါတယ်။ ဆိုလိုတာက ကားတစ်စီးက တစ်နှစ်ကို သက်တမ်းတိုးကြေး တစ်သောင်းခွဲဆိုရင် သက်တမ်းကျော်ပါက ဒဏ်ကြေးငါးဆယ်ရာခိုင်နှုန်းဖြစ်တာကြောင့် ခုနှစ်ထောင့်ငါးရာ ထပ်တိုးပေးဆောင်ရမှာပဲဖြစ်ပါတယ်။
မေး - ငါးနှစ်ကျော်သွားတဲ့ ယာဉ်လိုင်စင်တွေကို ဘယ်လို ဆက်လက်ဆောင်ရွက်ပါသလဲ။
ဖြေ - ယာဉ်လိုင်စင်သက်တမ်း တစ်ဆက်တည်း ငါးနှစ်ကျော်လွန်သွားရင်တော့ ကျတော်တို့က အဲ့ကားကို မှတ်ပုံတင် ဖျက်သိမ်းစာရင်းထဲ ထည့်လိုက်ပါတယ်။ အဲ့တာနဲ့ ပတ်သက်လို့လည်း ကမ-၃ စာအုပ်ရဲ့ စာပိုဒ်နံပါတ် ၅မှာ မှတ်ပုံတင် အသစ်လဲလှယ်ရန် ပျက်ကွက်နေသည့် တစ်ဆက်တည်း ၅ နှစ်ဖြစ်လျှင် အဆိုပါ ယာဉ်၏ မှတ်ပုံတင်ခြင်းသည် အလိုလျောက် ပျက်ပြယ်သည် ဆိုပြီး ဖော်ပြပေးထားပါတယ်။ ယာဉ်ပိုင်ရှင်တွေ အနေနဲ့ အလွယ်တကူ ကြည့်နိုင်ပါတယ်။ နောက်ပြီးတော့ မော်တော်ယာဉ် ဥပဒေ ပုဒ်မ ၁၈ စာပိုဒ် ဂ မှာလည်း ပြဌာန်းထားပါတယ်။
မေး - ယာဉ်ဖောင်းကြွနံပါတ်ပြား ပျောက်ဆုံးပြန်လျှောက်ရင် ဘယ်လိုဆောင်ရွက်ရပါသလဲ ဆရာ။ အသေး စိတ်ရှင်းပြပေးပါဦး။
ဖြေ - မော်တော်ယာဉ် ဖောင်းကြွနံပါတ်ပြား ပျောက်တာ နှစ်မျိုးရှိပါတယ်။ တစ်မျိုးက တစ်ချပ်ပျောက်တာ၊ နောက်တစ်မျိုးက နှစ်ချပ်လုံးပျောက်တာပါ။ အင်္ဂလိပ် ဖောင်းကြွနံပါတ်ပြား တစ်ချပ်ပျောက်လို့ လျှောက်ထားရင် လာရောက် ဆောင်ရွက်သူရဲ့ မှတ်ပုံတင်တောင်းပါတယ်။ ရဲစခန်းထောက်ခံချက်တောင်းပါတယ်။ ပြီးတော့ ယာဉ်စစ်ဆေးခိုင်းပါတယ်။ ယာဉ်စစ်ပြီးပါက သတင်းစာကြော်ငြာထည့်ပြီး နံပါတ်ပြား ထုတ်ပေးပါတယ်။ အင်္ဂလိပ် ဖောင်းကြွနံပါတ်ပြား နှစ်ချပ်ပျောက်ခဲ့ရင် ကျတော်တို့က ယာဉ်မှတ်ပုံတင်ထားသူရဲ့ မှတ်ပုံတင်မူရင်းကို တောင်းပါတယ်။ ယာဉ်ပိုင်ရှင် မှတ်ပုံတင်မူရင်း မတင်ပြနိုင်ရင် ကျတော်တို့က အဲ့နံပါတ်ပြားလျှောက်ထားခြင်းကို ဆောင်ရွက်ပေးမှာ မဟုတ်ပါဘူး၊ ငြင်းပယ်မှာ ဖြစ်ပါတယ်။ လုပ်ငန်းစဉ်ကတော့ နံပါတ်ပြား တစ်ချပ်ပျောက်တာနဲ့ အတူတူပါပဲ။ ရဲစခန်းထောက်ခံစာလိုမယ်။ ယာဉ်စစ်ရမယ်။ ယာဉ်ပိုင်ရှင် မှတ်ပုံတင်မူရင်း တောင်းရတာကလည်း ကျတော်တို့က မလိုအပ်ပဲ လာလာလျှောက်နေတာကို ထိန်းချုပ်နိုင်အောင်ရယ် နောက်တစ်ခုက နံပါတ်ပြား တွေကို ပွားယူအသုံးပြုနေမှာ စိုးတဲ့အတွက်ကြောင့် အခုလို ကန့်သတ်ရတာပဲဖြစ်ပါတယ်။
မေး - ဝှီးတက် ပျောက်ဆုံးမှုအတွက် ပြန်လျှောက်ဖို့ ဘာတွေလိုအပ်မလဲ ဆရာ။
ဖြေ - ယာဉ်သက်သေခံ လက်မှတ်(အရပ်ခေါ် ဝှီးတက်ပေါ့) အပျောက်လျှောက်ရင် ကျတော်တို့က ယာဉ်မှတ်ပုံတင်ထားသူရဲ့ မှတ်ပုံတင်မူရင်းကို တောင်းပါတယ်။ မှတ်ပုံတင် မူရင်းတင် ပြပြီးတော့ လျှောက်ထားရပါတယ်။ မိတ္တူနဲ့ မရပါဘူး။ ယာဉ်မှတ်ပုံတင်ထားသူကိုယ်တိုင် ဝှီးတက်(အဝိုင်း) ပျောက်ပါတယ်ဆိုပြီး လျှောက်တယ်ဆိုတဲ့ သဘောသတ်ရောက်အောင် မှတ်ပုံတင်တောင်းခြင်းပဲဖြစ်ပါတယ်။ ပိုင်ရှင်ကိုယ်တိုင် လာရောက်ရန်မလိုဘဲ ကိုယ်စားလှယ်နဲ့လည်း ဆောင်ရွက်နိုင်ပါတယ်။ ယာဉ်စစ်ရပါတယ်။ ယာဉ်စစ်တဲ့အခါ မှတ်ပုံတင်ထားတဲ့ မှတ်တမ်း၊ အကြောင်းအရာ တူညီတယ်ဆိုရင် ပြီးတော့ ယာဉ်ထိန်းကနေ ပြစ်မှုဖြင့် သိမ်း ဆည်းထားခြင်း မရှိပါဆိုတဲ့ ထောက်ခံချက်ပါမှ ဝှီးတက်ကို ပြန်ထုတ်ပေးမှာပဲ ဖြစ်ပါတယ်။
မေး - ယာဉ်မှတ်ပုံတင် စာအုပ် ကမ-၃ ပျောက်ရင် ဘယ်လိုမျိုးဆောင်ရွက်ပြီး ပြန်လည် လျှောက်ထား နိုင်မလဲ ခင်ဗျာ။
ဖြေ - ကမ-၃ ယာဉ်မှတ်ပုံတင်စာအုပ် ပျောက်တယ်ဆိုရင်တော့ဖြင့် ပြန်လျှောက်လိုသူတွေအနေနဲ့ ဆောင်ရွက်တဲ့အခါ မှာ နှစ်ခါလာရောက် ဆောင်ရွက်ရပါတယ်။ ပထမတစ်ခါက ပျောက်တာကို ပြန်လျှောက်တဲ့ အတွက်ရယ်၊ ဒုတိယ တစ်ခေါက်က စာအုပ်ထုတ်ယူဖို့ အတွက်ရယ် လာရပါတယ်။ အဲ့ထဲမှာမှ ယာဉ်အမည်ပေါက် သူ(ယာဉ်ပိုင်ရှင်ပေါ့) ကိုယ်တိုင် တစ်ကြိမ်တော့ အနည်ဆုံး လာရောက် ဆောင်ရွက်ရပါမယ်။ ဆိုလိုတာက ယာဉ်ပိုင်ရှင်အနေနဲ့ လာလျှောက်တဲ့အချိန်ဖြစ်ဖြစ်၊ လာထုတ်တဲ့ အချိန်ဖြစ်ဖြစ် တစ်ကြိမ်တော့ လာရောက် ဆောင်ရွက်ရမှာပဲဖြစ်ပါတယ်။ ဆောင်ရွက်တဲ့နေရာမှာလည်း ယာဉ်မှတ်ပုံတင်ထားတဲ့ မှတ်ပုံတင်မူရင်းလိုအပ် ပါတယ်။ တကယ်လို့ ဇနီးမောင်းနှံဆိုပေမဲ့ လာလုပ်တဲ့သူက ယာဉ်ပိုင်ရှင်ရဲ့ ခင်ပွန်းဖြစ်နေရင်တောင်မှ ယာဉ်ပိုင်ရှင်ကိုယ်တိုင်မလာတဲ့အတွက် ဆောင်ရွက်ပေးမှာ မဟုတ်ပါဘူး။ ယာဉ်ပိုင်ရှင်ကိုယ်တိုင် တစ်ကြိမ် လိုက်ပါဆောင်ရွက်မှပဲ ရမှာပါ။ မှတ်ပုံတင်မူရင်းနဲ့ ယာဉ်ပိုင်ရှင် ကိုယ်တိုင်လာရောက် လျှောက်ထားရင် အဲ့တာကို ကျတော်တို့က တားစာရင်းရှိ၊ မရှိကို စိစစ်ပါတယ်။ မရှိဘူး ဆိုရင် ယာဉ်စစ်ပါတယ်။ ယာဉ်စစ်ပြီးတော့ သတင်းစားကြော်ငြာဖို့ ဆောင်ရွက်ပေးပါတယ်။ သတင်းစာ မှာ ထည့်သွင်းကြော်ငြာလို့ ကန့်ကွက်မယ့်သူမရှိရင် ကျတော်တို့က ရက်ပေါင်းသုံးဆယ်ပြည့်ရင် ကမ-၃ ကို ထုတ်ပေးပါတယ်။ ဒါက ယာဉ်မှတ်ပုံတင်ထားသူကိုယ်တိုင် လာရောက်ဆောင်ရွက်တာပါ။ တကယ်လို့ ယာဉ် မှတ်ပုံတင်ထားသူ မဟုတ်ရင်တော့ ကျတော်တို့က အမည်ပြောင်းဖို့ လိုအပ်ရင် ရက်ပေါင်း သုံးဆယ်ပြည့်တဲ့အခါမှာ ကျတော်တို့က ပြည်တွင်းအခွန်မှာ အခွန်ဆောင်ဖို့အတွက် အခွန်စိမ်းရအောင် ယာဉ်နဲ့ဆိုင်တဲ့ အချက်အလက် တွေကို တရားဝင်စာနဲ့ ရေးသားပြီးတော့ ပြည်တွင်းအခွန်ကို ပို့ပေးပါတယ်။ အခွန်စိမ်းပုံစံ ရလာတဲ့အချိန်မှာ နာမည်ပြောင်းပြီး ဆောင်ရွက်ပေးပါတယ်။
မေး - သက်တမ်းလွန်ယာဉ်မောင်းလိုင်စင် ကိုင်ဆောင်သူတွေ ယာဉ်မောင်းလိုင်စင်ရဖို့ ဘယ်လို ဆောင်ရွက် နိုင်ပါသလဲ။
ဖြေ - ယာဉ်မောင်းလိုင်စင် သက်တမ်း ငါးနှစ်တစ်ဆက်တည်း မပြတ်ဘူးဆိုရင်တော့ ကျတော်တို့က ဒဏ်ကြေးကောက်ခံပြီး သက်တမ်းတိုး ဆောင်ရွက်ပေးပါတယ်။ ငါးနှစ် တစ်ဆက်တည်း သက်တမ်း ပြတ်သွားရင်တော့ ယာဉ်မောင်းလိုင်စင် ကိုင်ဆောင်သူဟာ ယာဉ်စည်းကမ်း၊ ပြန်လည် ဖြေဆိုပြီးတော့ အောင်မြင်မှ သက်တမ်းတိုးဆောင်ရွက်ပေးမှာ ဖြစ်ပါတယ်။
မေး - ယာဉ်မှန်၊ မမှန်စစ်ဖို့ ဘာလို့ဆောင်ရွက်သင့်ပါသလဲ။
ဖြေ - တစ်ချို့ ယာဉ်ကိုဝယ်ပြီးတော့မှ ယာဉ်မှန်၊ မမှန် လာစစ်တတ်ကြတယ်။ တကယ်ဖြစ်ရမှာက ယာဉ်မဝယ်ခင်တည်းက လာပြီး မှန်၊ မမှန် လာစစ်သင့်တာပါ။ ယာဉ် မှန်၊ မမှန်စစ်ရင် လာရောက်ဆောင်ရွက်သူရဲ့မှတ်ပုံတင်၊ ယာဉ်မှတ်ပုံတင်ကမ-၃ စာအုပ်၊ အဝိုင်း(ဝှီးတက်) နဲ့ ယာဉ်လိုအပ်ပါတယ်။ ဒီနေရာမှာ တစ်ချို့က ယာဉ်မှန်၊ မမှန်စစ်တယ်ဆိုပေမဲ့ စာအုပ်နဲ့ အဝိုင်းကိုပဲ လာစစ်တတ် ကြပါတယ်။ အမှန်တကယ်က စာအုပ်၊ ဝှီးတက်အပြင် ယာဉ်ကိုပါ တစ်ပါတည်း စစ်မှ ယာဉ်မှန်၊ မမှန်ကို သိနိုင်မှာပါ။ စာအုပ်နဲ့ ဝှီးတက်မှန်ပေမဲ့၊ ကားမမှန်ဘူးဆိုရင် မှန်တယ်လို့ ပြောလို့ မရပါဘူး။ အဲ့အတွက် ယာဉ်မှန်၊ မမှန် စစ်မယ်ဆိုရင် စာအုပ်ရယ်၊ ဝှီးတက်ရယ်၊ ကားရယ်ပြည့်စုံမှ လာရောက် စစ်ဖို့ ပြောချင်ပါတယ်။ စစ်တဲ့နေရာမှာလည်း ယာဉ်မစစ်ခင် ပိုင်ရှင်ကို ယာဉ်မမှန်ဘူးဆိုရင် ယာဉ်မှတ်ပုံတင်စာအုပ်ရယ်၊ ကားရယ်ကို သိမ်းပြီး တရား ဆွဲဆိုခြင်းကို ခံရမည်ဆိုပြီးတော့ သိရှိကြောင်း လက်မှတ်ရေးထိုးခိုင်းပါတယ်။ ပြီးမှ ယာဉ်စစ်ဆေးခ ငါးထောင် ကောက်ခံပြီး ယာဉ်စစ်ပါတယ်။
မေး - ယာဉ်ပိုင်ရှင်အနေနဲ့ အကြီးစားပြင်ဆင်မှု ပြုလုပ်ဖို့ ဘယ်လို ဆောင်ရွက် နိုင်ပါသလဲ ဆရာ။
ဖြေ - ယာဉ်မတော်တဆမှုကြောင့်သော်လည်းကောင်း၊ အကြောင်းအမျိုးမျိုးကြောင့်သော်လည်းကောင်း ကျတော်တို့က ယာဉ်ကို အကြီးစားပြုပြင်မှုဆိုရင် သက်ဆိုင်ရာခရိုင်ရုံးတွေမှာ ပြင်ဆင်ခွင့်ပြုပါရန် ဆိုပြီး လာရောက် လျှောက်ထားရမှာပဲဖြစ်ပါတယ်။ လာရောက် လျှောက်ထားတဲ့နေရာမှာလည်း ကားယူလာဖို့လိုပါ တယ်။ အဲ့တာကတော့ ဘာကိုပြင်ဆင်မှာလည်းဆိုတာကို မှတ်တမ်းမှတ်ရာ ယူဖို့ပဲဖြစ်ပါတယ်။ ပြီးတဲ့အခါမှ ကြိုတင်ပြင်ဆင်ခွင့် တစ်လအတွင်းမှာ ယာဉ်ကို ပြင်ဆင်ပါဆိုပြီး ခွင့်ပြုပေးပါတယ်။ တစ်လအတွင်း ပြင်ဆင်ပြီး တော့ သက်ဆိုင်ရာ ခရိုင်ရုံးကို လာရောက်စစ်ဆေးခံရမှာပဲ ဖြစ်ပါတယ်။
မေး - ယာဉ်သက်တမ်းတိုးတဲ့အခါမှာ ဘယ်လို ယာဉ်အစိတ်အပိုင်းတွေကို ချွင်းချက်အနေနဲ့ ခွင့်ပြု နိုင်ပါသလဲ။
ဖြေ -ယာဉ်ထုတ်လုပ်တဲ့ ခုနှစ် နှစ် (၂၀) ကျော်တဲ့ ယာဉ်တွေမှာ သက်တမ်းကြာမြင့်၍ သော်လည်းကောင်း၊ ထိခိုက်မိ၍သော်လည်းကောင်းး၊ ပျက်စီးသွားတဲ့ Shell ၊မီးကြီး စတဲ့ ယာဉ်ရဲ့ အစိတ်အပိုင်းတွေကို ရှာဖွေရခက်ခဲတဲ့အတွက် ခုနှစ်ပုံစံကွာဟလွန်းခြင်းမရှိတဲ့ အစိတ်အပိုင်းအစားထိုးတပ်ဆင်ခြင်းကို ယာဉ်စစ်ဆေးချက်ပုံစံမှာ မှတ်ချက်ပြုပြီး မှတ်တမ်းအဖြစ်ထားရှိကာ ခွင့်ပြုပေးပါတယ်။ ထုတ်လုပ်တဲ့ ခုနှစ် အနှစ် (၂၀) အတွင်း ယာဉ်တွေကိုတော့ အစားထိုးပစ္စည်းရှာဖွေရန် အခက်အခဲမရှိနိုင်ပါ။ တန်ဖိုးမြှင့် ရောင်းချ လိုတဲ့ သဘောနဲ့ မော်ဒယ်မြင့် Shell ၊ မီးကြီးများ ပြောင်းလဲ တပ်ဆင်ခြင်းကိုတော့ ခွင့်မပြုပါဘူး။
မေး - ရန်ကုန်တိုင်းမှာရှိတဲ့ မော်တော်ယာဉ် ပိုင်ရှင်တွေကို အကြံပြုစကားလေး ပြောပေးပါဦး ဆရာ။
ဖြေ - ရန်ကုန်တိုင်းဒေသကြီးမှာ ယာဉ်အရေအတွက် အရမ်းများတဲ့အတွက်ကြောင့် လုပ်ငန်းပမာဏ များပါတယ်။ ကားများရင် သက်တမ်းတိုးဆောင်ရွက်တဲ့နေရမှာ အဆင်မပြေဖြစ်တာမျိုးတွေ ရှိပါတယ်။ ကားကို လကုန်ခံနီးမှ မတိုးပဲနဲ့ လဆန်းလောက်ဖြစ်ဖြစ်၊ လလယ်ပိုင်းလောက်ဖြစ်ဖြစ် သက်တမ်းတိုးခြင်းကို ဆောင်ရွက် ရင် ယာဉ်ပိုင်ရှင်တွေအနေနဲ့ စောင့်ရဆိုင်းရ သက်သာတာပေါ့။ တကယ်လို့ လကုန်ပိုင်းဆိုရင်တော့ ကားတွေ စုပြုံလာကြတဲ့အတွက် စောင့်ရတာမျိုးက ကြုံနိုင်ပါတယ်။ အခု ကျတော်တို့ က.ည.နအနေနဲ့က လုပ်ငန်းစဉ် တော်တော်များများကိုလည်း ဖြေလျှော့ပေးထားပြီးပါပြီ။ မှတ်ပုံတင်တောင်းတာမှာလည်း ယာဉ်သက်သေခံ မှတ်ပုံတင်စာအုပ် ပျောက်တာရယ်။ ကမ-၃ ပျောက်တာ ရယ်။ ဖောင်းကြွနံပါတ်ပြား နှစ်ချပ်ပျောက်တာရယ်ကိုပဲ တောင်းပါတယ်။ ကျန်တဲ့အချိန်မှာ မည်သူမဆို လာရောက် ဆောင်ရွက်ခွင့်ပေးထားပါတယ်။ ဒါ့ကြောင့်မို့ လာရောက် ဆောင်ရွက် တဲ့အချိန်မှာ အနောက်ပိုင်းခရိုင်ရုံးကို ဝင်တဲ့အပေါက်မှာ ပွဲစားအားမကိုးဖို့ရယ်။ ကိုယ်တိုင်ဆောင်ရွက်နိုင်အောင် ကုန်ကျစရိတ်တွေနဲ့ ဆောင်ရွက်ပုံအဆင့်ဆင့်ကို ရိုက်နှိပ်ထားတဲ့ စာရွက်အဝါလေးတွေ ဝေပေးနေပါတယ်။ နောက်ပြီးတော့လည်း ခရိုင်ရုံးတစ်ခုလုံးမှာလည်း ကုန်ကျစရိတ်တွေကို တွက်ပေးထားတဲ့ ဗီနိုင်းတွေကပ်ပေး ထားပါတယ်။ ရင်ဘတ်မှာ တံဆပ်တွေ ကပ်ထားတဲ့ က.ည.နဝန်ထမ်းတွေရှိပါတယ်။ သူတို့ကိုလည်း လုပ်ငန်းစဉ်နားမလည်ရင် မေးမြန်းစုံစမ်းနိုင်ပါတယ်။ အဲ့လို ဆောင်ရွက်ပေးထားတဲ့ကြားက ပွဲစားနဲ့ လုပ်ကိုင် ဆောင်ရွက်မိလို့ တစ်စုံတစ်ရာသော ပြဿနာများ ဖြစ်ပေါ်လာရင် ဌာနအနေနဲ့ ပါဝင်ပတ်သက်ပေးမှာ မဟုတ်ပါဘူး။ ဒီမှာက ပွဲစားမလာနဲ့လို့လည်း ပြောလို့ရတာမျိုးမဟုတ်ပါဘူး။ ပွဲစားနဲ့ လုပ်ကိုင်ဆောင်ရွက် တာထက် ကိုယ်တိုင်လုပ်ကိုင်ဆောင်ရွက်တာက ပိုပြီးတိကျမြန်ဆန်ပါတယ်။ ကျတော်တို့မှာ ယာဉ်မှတ်ပုံတင်ထားသူ ကိုယ်တိုင် လာရောက် ဆောင်ရွက်ရင် ပိုပြီး မြန်ဆန်အောင် လုပ်ပေးနိုင်ဖို့အတွက် ပိုင်ရှင်ကိုယ်တိုင် ဌာနစိတ်ဆိုပြီး ရှိပါတယ်။ အဲ့နေရာမှာ ယာဉ် မှတ်ပုံတင် လုပ်ငန်းကို တစ်ခါတည်း ပြီးအောင် လုပ်ပေးပါတယ်။ ယာဉ်မှတ်ပုံတင်ထားသူ မဟုတ်တဲ့ ကိုယ်စားလှယ်တွေ အနေနဲ့ကတော့ ယာဉ်စစ်အဆောက်အအုံမှာ ယာဉ်စစ်ဆေးရပါ့မယ်။ ယာဉ်စစ်ဆေးပြီးပါက သက်ဆိုင်ရာ အက္ခရာစိတ်မှာ ငွေတွက်ပြီး ငွေသွင်းရပါ့မယ်။ ဘီးခွန်ဆောင်ရပါမယ်။ ပြီးရင်တော့ အဝိုင်းထုတ်ယူနိုင်ပါပြီ။ ယာဉ်လိုင်စင်ကို ရက်ပေါင်းကိုးဆယ် ကြိုတိုးလို့ ရတဲ့အတွက်ကြောင့် သက်တမ်း ကုန်ရက်နီးမှ မဟုတ်ဘဲ အဆင်ပြေနိုင်တဲ့ ရက်တွေမှာ လာရောက်ပြီး သက်တမ်းတိုးဆောင်ရွက်ဖို့ အကြံပြုလိုပါတယ်။ နောက်တစ်ချက် အကြံပြုလိုတာက မိမိကိုယ်တိုင်ဆောင်ရွက်ပါက ခက်ခဲမှု မရှိတဲ့အတွက်ကြောင့် ပွဲစားဖြင့် မလုပ်ဖို့ တိုက်တွန်းပြောကြားချင်ပါတယ်။

Credit : iCar Team
Share on Facebook  Share on Facebook
 
 
 
IKBZ အကြီးတန်းမန်နေဂျာ ဦးမျိုးသန့်ဇော် (ကိုမျိုး- အာမခံ) နှင့်တွေ့ဆုံခြင်း
စွယ်တော်ရွက် Business Group Co., Ltd မှ မန်းနေဂျင်း ဒါရိုက်တာ ဖြစ်သူ ဦးမျိုးဇင်ဝင်းနှင့် တွေ့ဆုံခြင်း
IKBZ ၏ ဘဏ္ဍာရေးအရာရှိချုပ်ဦးနေမျိုးအောင်နှင့် တွေ့ဆုံမေးမြန်းခြင်း
ရန်ကုန်တိုင်းဒေသကြီး ကုန်လမ်းပို့ဆောင်ရေးညွှန်ကြားမှုဦးစီးဌာနမှ...
Greater Men Group Of Companies မှ Chief executive officer U Win Myo Chit နှင့် တွေ့ဆုံခြင်း
ရေးနော့ကုမ္ပဏီ ညွှန်ကြားရေးမှူးနှင့်တွေ့ဆုံမေးမြန်းခြင်း
ဒေါက်တာ ကျော်ကျော်အောင် နှင့်တွေ့ဆုံမေးမြန်းခြင်း
'သင်္ကြန်အပြီး ဘရိတ်ပိုင်း ပြင်ရတာများတယ် ကိုထွန်း ဝပ်ရှော့နှင့် တွေ့ဆုံခြင်း'
i-Car ကုမ္ပဏီမှ ဦးဆန်းမင်းနှင့် တွေ့ဆုံခြင်း
KL SEVEN ကားအရောင်းစင်တာမှ MD ဖြစ်သူ ဦးကြည်သာဟန်နှင့် တွေ့ဆုံမေးမြန်းခြင်း
Share on Facebook  Share on Facebook